Reconversión
Ibuprofeno Teatro
Espectáculo de gran formato para público adulto, con oito actores-músicos que forman unha charanga e interpretan a banda sonora en directo.
Entre o íntimo e o político, a montaxe é un exercicio de memoria histórica arredor da reconversión naval na ría de Vigo. A obra céntrase na peripecia vital do pai do autor, un home que traballou no estaleiro Ascón durante 30 anos. Esta figura sintetiza as vivencias de toda unha xeración que sufriu o paro polo peche da factoría en 1984 e viviu as mobilizacións históricas que tiveron lugar nos anos 70 e 80.
Unha viaxe desde a posguerra ata o felipismo dos 80, pasando polo auxe da siderurxia e a evolución desde unha sociedade rural a unha capitalista.
Espectáculo subvencionado pola Axencia Galega das Industrias Culturais
Co apoio do Teatro Rosalía Castro da Coruña, MIT de Ribadavia, Padroado da Cultura-Concello de Narón, Teatro Principal de Ourense e os concellos de Catoira, Vigo, Moaña, Carballo, Vilagarcía de Arousa, Ames, Oleiros, Pontevedra, Cangas, Lugo e Vimianzo
- Adulto
- Teatro
- 105 minutos
- Texto e dirección Santiago Cortegoso
-
Elenco
Artur Abad
Cristina Collazo
Santiago Cortegoso
César Goldi
Celia González
Davide González
Fran Lareu
Nani Matos - Escenografía Pablo Giráldez "O Pastor"
- Codirección e iluminación Carlos Álvarez-Ossorio
- Deseño de son e dirección musical Alonso Caxade
- Vestiario Marián Bañobre
- Xastrería Bety Busto
- Caracterización Baia Fernández
- Movemento escénico Armando Martén
- Imaxe e fotografía Diego Seixo
- Asistencia de dirección Natalia Feijoo
-
Técnica en xira
Héctor Pazos
Laura Triñanes - Produción e comunicación Fátima R. Varela
- Distribución Ibuprofeno Teatro S.L.
A compañía
En 2010 Marián Bañobre e Santiago Cortegoso fundamos Ibuprofeno Teatro co obxectivo de contar cunha estrutura de creación propia para emprender proxectos teatrais dun xeito independente. Xeramos espectáculos a partir de textos escritos previamente ou integrando a dramaturxia e a posta en escena nos procesos de creación. Gústanos coidar a dimensión plástica dos traballos, experimentando en cada proposta, para falar de temas que afectan ao ser humano contemporáneo, a través de personaxes que buscan a súa identidade individual nun contexto social globalizado e complexo que non conseguen controlar e que os leva a situacións absurdas e cargadas dun humor acedo e sarcástico.