Aurora Boreal
Paula Quintas Cía.
Aurora Boreal, unha peza de danza contemporánea que convida á contemplación e á reflexión sobre a fugacidade da vida e a súa conxelación fronte a unha sociedade de consumo fugaz. Partindo dunha estética nórdica e unha forte inspiración nas luminosidades fugaces das xeografías do norte, Aurora Boreal explora tamén a velocidade e a serenidade do efémero. Aurora Boreal non só é unha obra de danza contemporánea, senón un convite a experimentar a beleza do tránsito da vida e da natureza. Un espazo para a reflexión, a paciencia e a admiración.
Espectáculo subvencionado pola Axencia Galega das Industrias Culturais
- A partir de 12 anos
- Danza contemporánea para sala
- 50 minutos
- Autoría Paula Quintas
- Dirección Rut Balbís
- Elenco Paula Quintas
-
Escenografía
Octavio Mas
Xacobo Castro
- Iluminación Octavio Mas
- Vestiario Jandro Villa
-
Música
Macarena Montesinos
Nacho Muñoz
- Asesoría de movemento Tanit Cobas
- Composición audiovisual Carla Andrade
-
Foto
Alberte Peiteavel
Miramemira
- Asesoría artística Manu Lago
- Deseño gráfico Eva Díaz
-
Son
Macarena Montesinos
Nacho Muñoz
A compañía
Paula Quintas Cía. é unha compañía cunha traxectoria de dez anos producindo espectáculos de formatos e disciplinas diversas. Hibridar danza e circo é a súa marca. O seu traballo destaca polo diálogo entre o corpo e o movemento, xerando un compoñente visual e experimental a través de códigos contemporáneos. Os seus últimos espectáculos como creadora son Aurora Boreal (2025), Multiperspectivas#3 (2021-2024), O salón dos pasos perdidos (2023), Nina Ninette (2021), SET (2020), Alma (non é hippie) (2019), Plastic (2018), Analepsis (2017) e Up2down (2015).