#Influencers

#Influencers é un espectáculo teatral que ofrece unha mirada cómica e reflexiva sobre a cultura que arrodea a creación de contido nas RR. SS., tomándoa como un espello no que se reflicte a sociedade contemporánea. Á fin e ao cabo, detrás dese mundo cheo de filtros, luces de cores e plástico, están milleiros de persoas que senten os mesmos problemas que o resto: precariedade, soidade ou mesmo dificultade para conciliar a vida profesional e familiar.

Deste xeito, convidamos o público a cuestionar a súa relación co mundo dixital, tratando temas como o impacto das redes sociais na construción da identidade, a necesidade de conseguir a aceptación social ou a alteración da nosa percepción da realidade.