Glamping
SU.MA
Tres amigos, tres personalidades, tres caracteres moi distintos, emprenden a aventura de pasar unhas vacacións xuntos. Pero a convivencia non sempre é cousa fácil e os conflitos toman parte na escena cotiá dos campistas. Superarán os nosos personaxes o reto de compartir un espazo común con elegancia?
Glamping é un espectáculo sobre as relacións humanas, onde calquera poderiamos ser ese personaxe en tensión que busca a mellor maneira de resolver a situación. Teatro xestual, música, acrobacia aérea, danza e swing en clave de clown.
- Familiar, todos os públicos
- Circo, teatro físico, danza, música
- 50 minutos
- Autoría Sue Moreno, Mark Torrecillas e María Move
- Dirección Gonçalo Guerreiro
- Escenografía Mark Torrecillas, Sue Moreno e María Move
- Son Raul Grillo e María Move
- Vestiario Mark Torrecillas, Sue Moreno e María Move
- Música Banda sonora orixinal: Raúl Grillo. Voz: María Move
- Elenco Sue Moreno, Mark Torrecillas e María Move
A compañía
SU.MA é unha compañía de teatro xestual, circo, danza e música integrada por Sue Moreno, Mark Torrecillas e María Move. Presenta o seu primeiro espectáculo, Ikigai, en 2020, e unha segunda produción, Glamping, en 2022, ambos dirixidos por Gonçalo Guerreiro e con Raúl Grillo na creación e produción musical. Unha estética delicada e colorista, acrobacia aérea, música en directo, banda sonora orixinal e teatro físico en clave de clown son as bases de SU.MA circodanza.