O único que verdadeiramente quixen toda a vida é ser delgada

ButacaZero é a plataforma creativa da dramaturga Esther F. Carrodeguas e o director de escena Xavier Castiñeira, que propoñen un teatro que dialoga coa actualidade dende unha mirada crítica e irónica, espírito que inunda as dúas pezas coas que a compañía xira na actualidade. Por unha banda, O único que verdadeiramente quixen toda a vida é ser delgada,  peza na que Carrodeguas aborda en primeirísima persoa a relación co seu corpo dentro desta nosa apaixonante sociedade da fermosura. Por outra banda, IRIBARNE, estreada en coprodución co Centro Dramático Nacional e a Mostra Internacional de Teatro de Ribadavia, é un paseo pola nosa  "tan exemplar transición" da man dun dos nosos referentes máis imprescindibles: Manuel Fraga.