Sabela

Sabela Ramil é unha das caras visibles da nova onda de pop electrónico que triunfa no panorama musical actual. Coas súas tinturas animadas e bailables, Sabela eleva a súa música a un aspecto máis eufórico, converténdose no gran piar deste xénero en Galicia. As súas cancións acumulan xa centos de miles de reproducións, conquistando en directo grandes prazas como a sala Capitol de Santiago de Compostela ou a sala El Sótano de Madrid, e festivais da talla do Festival Noroeste, o SonRías Baixas ou o propio O Son do Camiño, así como alzándose con premios como o premio aRi[t]mar 2020 á mellor canción en Galicia por Despedida.

A artista de Ourol soubo madurar o seu proxecto para dotalo dunha sensibilidade maior, así como dun estilo xa propio e identificable. Temas como Cenizas, Ya No Me Quiero Ir ou Cidade Desexo confirman a solidez dun proxecto que xa obtivo un gran número de escoitas nas súas cancións, co que conseguiu engaiolar o público nos seus directos e no que colaborou con grandes artistas como Andrés Suárez, Baiuca, Xoel López, Tanxugueiras, Luisa Sobral ou Diogo Piçarra.

Sabela emprende en 2024 unha gran xira por todo o país que a levará por cidades como Madrid, Barcelona, Valencia, Sevilla, Valladolid, Xaén, Oviedo ou Ponferrada, entre moitas outras. Ademais, tamén sacará tempo para levar o seu directo a festivais como o SonRías Baixas durante o verán.