BenQuerer
Fran Sieira, compañía de danza
BenQuerer é unha peza íntima que conecta co cotián, co día a día, e cos nosos procesos de adaptación ante os cambios. Non fala da felicidade permanente, nin de estar sempre ben; fala de aceptar os momentos nos que o corpo di basta, de coidarse e de aprender a poñer límites. Nun mundo de constante cambio, nun sistema que premia producir, avanzar, continuar... podemos permitirnos parar? Podemos mostrarnos vulnerables, sen medo ao xuízo ou a ser vistas como fráxiles?
Desde as marxes e sempre con perspectiva de xénero, esta nova proposta de Fran Sieira convida, a través do seu propio relato, a reflexionar sobre a importancia do autocoidado emocional, o amor propio e o respecto a unha mesma.
- Adulto
- Danza
- 55 minutos
- Autoría Fran Sieira
-
Dirección
Fran Sieira
Colectivo VACAburra (Gena Baamonde e Andrea Quintana) -
Elenco
Antía Ameixeiras
Sabela Caamaño
Fran Sieira - Música Caamaño&Ameixeiras
-
Coreografía
Fran Sieira
Andrea Quintana - Vestiario Érica Oubiña
- Iluminación Fidel Vázquez
- Espazo sonoro Isaac Millán
- Espazo escénico Fran Sieira, compañía de danza
- Cestería Fran Sieira
- Fotografía Aigi Boga
- Cartel NoveNoel
- Folleto de man e dossier Sol Álvarez
-
Dinámica posfunción
Nancy Silva
Thais Núñez - Accesibilidade Mada producións
- Distribución Urdime
A compañía
Fran Sieira, compañía de danza, creada no ano 2017, fundamenta o seu traballo nunha revisión do folclore galego dende un marco contemporáneo. A compañía estuda o movemento a través do baile tradicional galego e utilízao como o seu principal mecanismo de expresión, creando unha linguaxe do movemento de vangarda como reflexo da nosa tradición.
A través da creación colectiva, achega proxectos artísticos con vocación social e con moi boa acollida entre o público. Dende as marxes, a compañía crea espectáculos que teñen a vontade de xerar conciencia social e devolverlle á sociedade aquilo co que a inspirou.