Ficha 2022

Espectáculos 2022
Proxectos en formato pitching
  • LUNS 6 / CENTRO OBRA SOCIAL ABANCA / 13.30 H Esas cousas marabillosas Empatía Teatro

    Nomeada como “obra do ano” por The Guardian, esgotou entradas tres anos consecutivos no Festival de Edimburgo e foi representada en Londres, Nova York, Bruxelas, San Xoán de Porto Rico, Maryland, Oregón e Canadá. Éxito rotundo tamén en Madrid e Barcelona, interpretada por Brais Efe, Inma Cuevas, Leticia Dolera e Pau Roca.

    En Esas cousas marabillosas cóntanse tres décadas da vida do protagonista, que comezan cando a nai ingresa no hospital. O rapaz, de sete anos daquela, comeza a facer unha lista de todo o que é marabilloso no mundo.

    É unha peza participativa, tenra, emocionante e divertida.
    É unha comedia que fala sobre a saúde mental, a depresión e o suicidio.
    É unha obra que che pode cambiar a vida… e para ben.

    Contacto

    Elisardo de la Cruz García
    672 281 928
    info@empatiateatro.com
    www.empatiateatro.com

  • LUNS 6 / CENTRO OBRA SOCIAL ABANCA / 13.30 H Hai quen escolle os camiños máis longos Berrobambán e Ponto de Fuga

    No palco, catro camiños e tres actrices. Os camiños poden levarnos ao norte, ao sur, ao leste ou ao oeste, sempre ao bosque. As actrices teñen un pasado común, un pasado no que as persoas vivían ligadas á terra, un tempo antigo do que quedan retallos de lembranzas, pero que non se pode esquecer porque forma parte de nós. E iso é o que elas perseguen, saber de onde veñen para poder escoller cara a onde ir, que medo afrontar: o da vellez, o da fame, o da enfermidade ou o da morte. Nos contos tradicionais, eses medos represéntanse a través de bruxas, lobos, feitizos ou maldicións e esconxúranse coa música das palabras, con ritos e danzas. Nos contos devólveselle o seu poder á poesía. Tamén no teatro recuperamos a memoria perdida.

    Contacto

    Ángela Vila – Urdime, S.C.G.
    981 937 424 / 698 132 935
    distribucion@urdime.net
    https://www.berrobamban.com/caminhos
    https://www.urdime.net/berrobamban

    Descargas 1
  • LUNS 6 / CENTRO OBRA SOCIAL ABANCA / 13.30 H Papaguena ButacaZero

    Papaguena é unha ópera electrónica de pequeno formato a partir da figura da personaxe homónima de A frauta máxica de Wolfgang Amadeus Mozart. Unha produción para analizar e reescribir esta personaxe dende unha mirada actual e baseándose nun dos maiores procesos de avance político-social dos últimos tempos: a loita contra o sexismo.

    Unha soprano (Esperanza Mara), un barítono (Jacobo Rubianes Castelo) e un músico en escena (o propio compositor da ópera, Iago Hermo) serán os piares desta peza deseñada para chegar tanto aos grandes teatros como a aqueles espazos e vilas onde a ópera, quizais, nunca chegou.

    E, por suposto, en galego.

    Contacto

    Esther F. Carrodeguas
    629 694 432
    carrodeguas.butacazero@gmail.com
    butacazero.net

  • LUNS 6 / CENTRO OBRA SOCIAL ABANCA / 13.30 H Pirolíticos Producións Teatrais Excéntricas-Mofa & Befa

    Para celebrar o seu 30 aniversario, Mofa & Befa convidan a Clara Gayo na dirección e a Lucía Aldao e María Lado na dramaturxia do seu novo proxecto: Pirolíticos, unha farsa feminista sobre as novas masculinidades de sempre, onde se ofrece unha “Guía rápida para unha correcta pirólise”, destinada aos homes asistentes. Fieis, como é habitual, a ese impulso didáctico que sempre os caracterizou, Mofa & Befa tratan de achegar unha serie de claves para animar os presentes a iniciar esa necesaria revisión que trae da man o feminismo.

    Apta para todos os espazos e auditorios e, coma sempre, con música en directo, esta chusca reflexión sobre o patriarcado busca crear complicidades co público, sobre todo o feminino.

    Contacto

    Rubén G. Pedrero
    618 752 105
    ruben.excentricas@gmail.com
    www.excentricas.net

  • MARTES 7 / CENTRO OBRA SOCIAL ABANCA / 13 H A Barca do Inferno Moving Compass

    Estimado ser humano:

    Estamos no alén-mundo. Énos moi grato dirixirnos a vostede, por instrucións das deidades mariñas, para estenderlle unha formal invitación a participar como xurado civil neste xuízo final aos habitantes da auga.

    Os defuntos comparecerán por delitos acuáticos durante a súa estancia en vida. Pobres criaturas, acusadas por ser impuras e beber petróleo, por ser tentadas a comer plástico, por preguizosas e deixarse pescar e mutilar sen resistirse nin o máis mínimo.

    A audiencia resolverá a favor de que estes pasen ao máis alá en augas celestiais ou, polo contrario, sexan condenados á toxicidade das profundidades infernais.

    Agardamos a súa resposta e agradecémoslle de antemán facer posible este agradable paseo en barca.

     

    Coprodución co Centro Dramático Galego-Agadic e Fundación Cidade da Cultura de Galicia

    Contacto

    Rafael Rey Domech
    630 416 898
    movingcompass.theatre@gmail.com
    www.movingcompasstheatre.com

    Descargas 1 2 3
  • MARTES 7 / CENTRO OBRA SOCIAL ABANCA / 13 H MULTIPERSPECTIVAS #2 Paula Quintas Cía.

    MULTIPERSPECTIVAS #2 é un espectáculo de investigación teórico-práctica, onde o eixe principal é o corpo e a instalación no espazo de estruturas de arame, coa integración do público como experiencia inmersiva e lúdica.

    Dous corpos en escena e o dispositivo da instalación levan o peso do proxecto, que está enmarcado nunha tese de doutoramento da Universidade de Vigo, que ten como eixe principal de investigación os límites e confluencias entre a danza e o circo no século XIX.

    Contacto

    Paula Quintas
    669 258 384
    info.paulaquintas@gmail.com
    www.paulaquintas.com

    Descargas 1
  • MARTES 7 / CENTRO OBRA SOCIAL ABANCA / 13 H PYKA Cinema Sticado

    PYKA, que en ruso significa brazo, é a historia e o remake dunha película desaparecida, da cal só queda un documento sonoro e o seu título. O punto de partida é un relato familiar de Helena Varela, que sitúa a súa avoa Gelines como única testemuña dunha película de animación que fixo unha tal Olga Lebèdev na Rusia stalinista, en colaboración co director de cine Sergei Eisenstein.

    PYKA é tamén un conto sobre as relacións humanas, sobre o amor e a loita por querer acadar algo tan prezado como a liberdade.

    Contacto

    Helena Varela
    646 398 035
    varelabarriohelena@yahoo.es
    http://cinemasticado.com

  • MARTES 7 / CENTRO OBRA SOCIAL ABANCA / 13 H Sofá Marta Alonso Tejada

    Este espectáculo fala dunha parella e do seu sofá. A parella son Marta e Pablo, dúas persoas normais.

    O sofá é o lugar onde descansan e esquecen o que está fóra, o mundo: traballo mal remunerado, guerra, ameazas nucleares, catástrofes ecolóxicas, virus asasinos, normas arbitrarias, pobreza, esgotamento.

    Pablo e Marta están enfermos; enfermos de cansazo e aburrimento, pero téñense unha ao outro; teñen un sofá e saben bailar. Non todo está perdido.

    Traballando a través do contacto físico e emocional, grazas á singular percepción do movemento da Compañía Sharon Fridman, Sofá é unha aposta pola linguaxe do tacto, a beleza do particular e a capacidade do baile para elevar o cotián ao sublime.

    Unha proposta de danza e humor a dúo para rúa, espazos non convencionais e teatros.

    Contacto

    Marta Alonso Tejada
    658 78 25 64 / 610 10 68 08
    martaalonsotejada@gmail.com
    lilian.danza.g@gmail.com
    www.martaalonsotejeda.com

    Descargas 1 2 3
  • XOVES 9 / CENTRO OBRA SOCIAL ABANCA / 13 H 30 anos cantando con Migallas Migallas

    Migallas Teatro celebra os 30 anos facendo e “cantando” música infantil en galego cun divertido e variado concerto para público familiar. Nesta ocasión, conta con músicos de recoñecido prestixio e traxectoria como Xaquín Xesteira e Anxo Xesteira, de Treixadura, e Borja García e Isi Baúlo, que acompañan a María Campos e a Carlos Yus no escenario. No concerto interprétanse temas dos discos Canta connosco! e Pan de millo. Cancións tan coñecidas como Pan de millo, O rap da lingua, Miña Abuela Manuela, O esqueleto ou O libro máxico, coas que medraron varias xeracións, farán gozar de novo a nais e pais que as cantaron na súa infancia e aos nenos e ás nenas de agora.

    Contacto

    Carlos Yus
    618 813 071
    migallas@migallas.gal
    https://migallas.gal/
    https://migallas.gal/30-anos-cantando-con-migallas/

    Descargas 1 2 3 4
  • XOVES 9 / CENTRO OBRA SOCIAL ABANCA / 13 H Cinecleta O Señor Lili

    Cinecleta é un proxecto de recuperación e exhibición de películas de cinema doméstico en formato 8 mm, Super 8 e 16 mm, filmadas por afeccionados e cineastas amateurs galegos no século pasado. A particularidade é que son proxectadas desde unha antiga bicicleta de repartición de leite reconvertida agora nun “cinema”.

    A Cinecleta pedalea polo país adiante á procura dun material inédito que atopa en domicilios particulares, rastros, anticuarios e tendas de segunda man. As proxeccións alternan narración descritiva en vivo das imaxes e banda sonora e   exhíbense no seu formato orixinal en proxectores da época.

    As películas son toleradas para todos os públicos e están pensadas para levarse a cabo tanto ao aire libre como en espazos públicos interiores (centros cívicos, auditorios, museos etc.).

    Contacto

    José Francisco Saavedra López-Sancho (Music Arte Rey Saavedra)
    629 357 984
    musicarte.rs@gmail.com
    http://lilicleta.com/
    http://gz.lilicleta.com/category/cinecleta/

    Descargas
  • XOVES 9 / CENTRO OBRA SOCIAL ABANCA / 13 H Ninja Teatro Ghazafelhos

    Amelia é unha nena que vive e vai á escola no rural galego. A Amelia encántanlle a cultura oriental, o karate, o kung fu, o jiu- jitsu, as películas de Bruce Lee, Jackie Chan e soña con ser ninja. Adéstrase todos os días para pasar inadvertida e observar os demais como unha auténtica ninja. Grazas a esa condición, descobre que no cole hai nenos e nenas que tamén queren pasar inadvertidos, pero non para ser ninjas, senón para que outros nenos e nenas non abusen deles. Coa axuda de Amelia e o señor Edelmiro, un velliño ao que Amelia acode á busca de consello, conseguirán que os nenos invisibles se fagan visibles e cambiar as tornas na escola.

    Ninja é unha obra coa que abordamos o acoso nas escolas a través dunha historia divertida e chea de reflexións sobre a tolerancia, o respecto e a diversidade, coa que queremos amosar que un dos pasos máis importantes para resolver un problema é facelo visible.

    Contacto

    Ángela Vila – Urdime, S.C.G.
    981 937 424 / 698 132 935
    distribucion@urdime.net
    https://urdime.gal/project/teatro-ghazafelhos/

    Descargas 1
  • XOVES 9 / CENTRO OBRA SOCIAL ABANCA / 13 H ULTREIA Ao final do camiño estás ti Mago Teto

    ULTREIA, dirixido por José Prieto, é un espectáculo multidisciplinario no que se combina a maxia, a música e a danza. Percorrendo un camiño máxico que simboliza todos os camiños exteriores e interiores do ser humano, Teto fará unha viaxe a través de aparicións, desaparicións, predicións, levitacións, transformacións e moitos máis efectos máxicos que transportarán o público a unha realidade onde todo é posible menos perder a ilusión.

    Neste traxecto, Teto viaxará con tres bailarinas: María Roja, Xiana Vilas e Lupe Carballo, que o acompañarán en todas as súas aventuras e desventuras, e contará en todo momento coa axuda imprescindible da música, composta especialmente para este espectáculo por Andrés Álvarez.

     

    Contacto

    Héctor Guerra
    607 384 027
    maxia@magoteto.com
    www.magoteto.com

    Descargas 1 2 3 4 5 6 7 8

Mesas

  • MARTES 7 / CENTRO OBRA SOCIAL ABANCA / 13 H ARTES ESCÉNICAS E EDUCACIÓN

    Os protocolos COVID fixeron que as actividades culturais para escolares, dentro ou fóra dos centros, desapareceran practicamente nos últimos anos. É necesario impulsar accións que axuden a reverter esta dinámica.

    No século XXI, os estudos relacionados coa neurociencia, concretamente os que teñen que ver coa neuroeducación, revelan que as aprendizaxes profundas e significativas se producen cando a motivación e a emoción participan neste proceso. Se temos ao noso alcance unha ferramenta tan poderosa como é a arte en xeral, na que podemos combinar factores como a atención, a motivación e a emoción, por que non utilizala?

    No caso das artes escénicas, pódese evocar calquera realidade da vida, podendo traballar calquera concepto, contido ou actitude do currículo educativo. Na actividade escénica, a atención e a motivación xogan un papel fundamental. A atención é a canle de entrada para a motivación, polo tanto, todas as actividades que xeren atención crearán interese naquilo que se expoña.

    As actividades escénicas dentro dos currículos escolares non só ofrecen a posibilidade de achegarse aos diferentes contidos dende un prisma diferente. En realidade, o feito dramático e a narrativa emocional permítennos reflexionar sobre a identificación e a liberación de sentimentos para aprender a identificalos. A educación emocional é cada vez máis necesaria nunha formación global do individuo.

     

    INTERVEÑEN:

    Noelia Fernández, vicepresidenta da Asociación Te Veo, de Artes Escénicas para la Infancia y la Juventud e directora de Escena Miriñaque, en representación do Circuíto Estatal de Artes Escénicas para Audiencias Escolares-Audaces.

    Luciano M. Fernández, director do Padroado de Cultura de Narón, en representación da Mostra de Teatro Infantil e Xuvenil para escolares-MOTIX.

    Marián Osácar, directora artística da Feria Europea de Teatro para Niños y Niñas-FETÉN.

    Eulàlia Ribera, directora do Festival elPetit-Festival Internacional d´Arts per a la primera infància e de laSala-Centre de Creació d´Arts per a les famílies, Sabadell.

    Modera: Laura Sarasola, de Caramuxo Teatro.

  • XOVES 9 / CENTRO OBRA SOCIAL ABANCA / 13 H RESIDENCIAS ARTÍSTICAS E COMPAÑÍAS EN RESIDENCIA

    Como apunta Idoia Jauregi, xornalista de Radio Euskadi, en Informe Distrito, as residencias artísticas son programas que lles ofrecen aos artistas e outros profesionais creativos tempo, espazo e recursos para traballaren, individual ou colectivamente, en ámbitos vinculados á súa práctica artística. Estes programas facilitan o desenvolvemento profesional dos artistas, xeran beneficios económicos e promoven o desenvolvemento cultural (para o artista, a entidade que organiza, a rexión), a aprendizaxe e a capacitación organizativa tanto para o anfitrión coma para a comunidade, así como o aumento da reputación da cidade ou rexión onde se aloxa.

    Esta mesa pon o foco na situación e o obxectivo das residencias artísticas como estrutura que leva a cabo unha serie de accións que faciliten o crecemento das compañías. As residencias acollen creadores e creadoras e convídaos a cuestionarse as súas propias ideas. Son, por tanto, un apoio en forma de tempo, espazo e recursos para desenvolver un proxecto concreto e limitado no tempo ou estendido en varios anos para un desenvolvemento máis profundo, maior eficacia e óptima produtividade na creación contemporánea. A residencia como proceso, a importancia do proceso e as condicións dese proceso.

    Cómpre agora falar de futuro, de como mellorar o proceso, os encontros, as condicións de traballo; das opcións que se abren neste sentido, de como se pode xerar tecido cultural e estabilidade de proxectos e compañías.

     

    INTERVEÑEN:

    Javier Casado, da área de apoio á creación de circo do Ateneu Popular 9 Barris.

    Laura Kumin, directora artística do Certamen Coreográfico de Madrid (socio do proxecto europeo Aerowaves).

    Fran Núñez, director do Centro Dramático Galego.

    Caterina Varela, socia fundadora de Colectivo RPM e directora de Residencias Paraíso.

    Modera: Hugo Pires, de Colectivo Glovo.

GEP 2022. Así foi: Galerías de imaxes Materiais GEP
Programa de man PDF, 2,87 MB Programa de man
Cadro de programación PDF, 1 MB Cadro de programación
Cartaz JPG, 431 KB Folleto del festival
Materiais complementarios das compañías