Divertimento! achégase ao público familiar dende a música clásica, o humor e a creatividade para nos adentrar na senda da cultura e das artes como vías cara á diversión e o lecer de calidade. A música de Mozart condúcenos, en clave de clown, polas relacións humanas, poñendo en valor as diferenzas como unha oportunidade para medrar dende o grupo.

Un cuarteto de cordas acepta un novo membro para unha representación, sen saber que o invitado non posúe as mesmas calidades como intérprete. O que nun principio provoca rexeitamento e xuízo muda en empatía e transixencia, xerando unha nova harmonía, permitíndolles rirse dos protocolos arcaicos e da aparente excelencia que rodea a música clásica.

Colabora: Departamento de Acción Cultural-Fundación Cidade da Cultura de Galicia.